7 мамыр — Отан қорғаушылар күні қарсаңында ХАТУ әскери кафедрасының студенттері салтанатты түрде әскери ант қабылдады. Бұл маңызды рәсім олардың әскери дайындық жолындағы жауапты кезеңдерінің бірі болып табылады.
Салтанатты іс-шара барысында студенттер Отанға адал қызмет етуге серт беріп, жоғары жауапкершілік пен патриоттық рухтың үлгісін көрсетті. Әскери ант — әрбір жас үшін үлкен құрмет пен сенімнің белгісі, сондай-ақ ел алдындағы борышын сезінудің айқын көрінісі.
Бұл күн студенттердің өміріндегі маңызды әрі есте қаларлық сәттердің біріне айналды. Олар өз таңдауларына адал болып, ел қауіпсіздігі мен болашағына үлес қосуға дайын екендіктерін көрсетті.
