Жарияланымдық белсенділік – ғылыми ұйымдардың, авторлардың және ғылыми журналдардың қызмет тиімділігінің ең маңызды критерийлерінің бірі. Жарияланымдық белсенділік – автордың немесе ғылыми ұжымның ғылыми-зерттеу қызметінің нәтижесі, ғылыми жарияланым арқылы көрініс береді және келесі көрсеткіштер бойынша бағаланады:

• жарияланымдар саны;
• «дәйексөзделу индексі» (әрбір жарияланым бойынша дәйексөзделу деңгейі);
• жарияланған журналдың импакт-факторы.

Авторлардың, ұйымдардың және ғылыми журналдардың жарияланымдық белсенділігі мен өнімділігі ғылыми-метриялық көрсеткіштер арқылы өлшенеді.

Әлемдік ғылыми жарияланымдардың белсенділігін талдау үшін халықаралық және отандық дәйексөз келтіру базалары (жүйелері) қолданылады.

Ең танымал халықаралық дәйексөз келтіру деректер базаларына Scopus және Web of Science жатады.