IITU-да Наурыз мерекесіне арналған концерт өтті! Бұл іс-шара ұлттық нақыш пен студенттердің шығармашылық қойылымдарына толы болды.
Мерекелік концертті «Shadows» тобының қазақ биі ашты, одан кейін Қыдыр ата барлық қатысушыларға бата беріп, ұлттық киімдегі қыздар шашу шашты. Көрермендер Сая Тұрсынбекова жетекшілік ететін «Қазына» қазақ халық аспаптары ансамблінің шебер орындауын, Аяжан Сапарали мен Мадина Мырзаханқызының музыкалық композициялары мен әндерін жылы қабылдады. Сонымен қатар, International Students Club шетелдік студенттері Наурыз мерекесіне арнап құттықтау сөздерін жолдады.
Наурыз – бұл достық, бейбітшілік, бірлік пен келісім мерекесі! Ол сіздерге қуаныш, молшылық және кең дастархан алып келсін!
