IITU қабырғаларында XVI Евразиялық оқушылар арасындағы информатика олимпиадасының финалдық кезеңі аяқталды. Бұл іс-шараға Қазақстан, Қырғызстан, Өзбекстан және Тәжікстаннан 230-дан астам оқушы қатысты. Орталық Азиядан 77 команданың қатысуы аймақ жастарының ақпараттық технологияларға деген қызығушылығының жоғары екендігін көрсетеді.
Олимпиаданың басты мақсаты – оқушылардың ақпараттық сауаттылығын дамыту, есептеу ғылымдары, компьютерлік модельдеу және ақпараттық технологиялар салаларындағы талантты жастарды анықтау.
Олимпиада қорытындысы бойынша 21 қатысушы ҚР Білім және ғылым министрлігінің I дәрежелі дипломы мен алтын медалімен, 39 жүлдегер II дәрежелі диплом мен күміс медальмен, ал 54 қатысушы III дәрежелі диплом мен қола медальмен марапатталды.
