Халықаралық ақпараттық технологиялар университетінде (ХАТУ) Интеллектуалды телекоммуникациялар (РЭТ) кафедрасының бастамасымен Ақпараттық-коммуникациялық технологиялар (АКТ) музейі құрылды.
АКТ музейінің негізгі мақсаты – ақпараттық-коммуникациялық технологиялардың даму тарихын сақтау, зерттеу және кеңінен насихаттау, техника мен технологиялардың әртүрлі буындары арасындағы сабақтастықты көрсету, сондай-ақ музей экспозициясын университеттің білім беру, ғылыми-зерттеу және кәсіби бағдар беру қызметінде пайдалану.
Музейдің негізгі міндеттері
1. Тарихи мұраны сақтау
— Радио, теледидар, телекоммуникациялық және компьютерлік техника үлгілерін жинау, есепке алу, сақтау және қалпына келтіру.
— АКТ тарихына қатысты құжаттарды, фотосуреттерді, сызбаларды, каталогтарды және басқа да материалдарды сақтау.
— Университеттің тарихи жәдігерлер қорын қалыптастыру.
2. Білім беру қызметі
— Музей экспонаттарын оқу үдерісінде пайдалану.
— Практикалық сабақтар, зертханалық жұмыстар және көрсетілім сабақтарын өткізу.
— Студенттерді әртүрлі буындағы техниканың жұмыс істеу қағидаттарымен таныстыру.
— Аналогтық телекоммуникациялық жүйелерден цифрлық, мобильді, спутниктік және заманауи байланыс желілеріне дейінгі технологиялық дамуды көрсету.
3. Ғылыми-зерттеу қызметі
— АКТ-ның даму тарихын зерделеу және ғылыми зерттеулер жүргізу.
— Ғылыми жарияланымдар, баяндамалар, көрмелер және оқу-әдістемелік материалдар дайындау.
— Студенттер мен оқытушыларды ғылыми-зерттеу жобаларына тарту.
4. Кәсіби бағдар беру
— Мектеп оқушыларын АКТ саласындағы мамандықтармен таныстыру.
— Экскурсиялар мен ашық есік күндерін ұйымдастыру.
— Заманауи технологиялардың мүмкіндіктерін көрсету.
— Талапкерлердің инженерлік және АКТ бағытындағы мамандықтарға қызығушылығын арттыру.
5. АКТ-ны насихаттау
— Тақырыптық көрмелер, дәрістер, семинарлар және шеберлік сабақтарын өткізу.
— Радио, теледидар, мобильді байланыс, спутниктік байланыс, интернет, есептеу техникасы және жасанды интеллект сияқты жекелеген бағыттарға арналған уақытша экспозициялар ұйымдастыру.
— Отандық ғалымдардың, инженерлердің және сала мамандарының жетістіктерін насихаттау.
6. Ұрпақтар сабақтастығын қалыптастыру
— Тарихи технологиялар мен заманауи жүйелер арасындағы байланысты көрсету.
— Байланыс технологияларының «алғашқы радиотаратқыштардан бастап 5G/6G, спутниктік жүйелер мен заттар интернетіне (IoT) дейінгі» даму жолын таныстыру.
— Сала ардагерлерін студенттермен кездесулерге тарту.
7. Практикалық және интерактивті қызмет
— Жұмыс істейтін демонстрациялық стендтер жасау.
— Техниканың жекелеген үлгілерін жұмыс істеу қағидаттарын көрсету мақсатында қалпына келтіру.
— QR-кодтарды, мультимедиялық материалдарды және виртуалды экспозицияларды пайдалану.
— Музей экспонаттарының цифрлық каталогын жасау.
8. Ынтымақтастықты дамыту
— АКТ саласындағы кәсіпорындармен өзара іс-қимыл жасау.
— Музейлермен, ғылыми ұйымдармен және кәсіби қауымдастықтармен (ХЭО, АБД және т.б.) ынтымақтастық орнату.
— Музей экспозициясын қалыптастыруға кәсіпорындарды тарту.
— Бірлескен көрмелер мен іс-шараларды ұйымдастыру.
