31 қазан күні IITU-да Әзербайжан Республикасының Ғылым және жоғары білім агенттігінің бастамасымен Әзербайжан жоғары оқу орындарының өкілдерімен кездесу өтті.
Негізгі мақсат – Әзербайжанның білім беру мекемелерімен ынтымақтастықты нығайту. Кездесу барысында бірлескен конференциялар өткізу және студенттер мен университет оқытушылары құрамы арасындағы академиялық алмасу мүмкіндіктері қарастырылды. Сонымен қатар, Баку мемлекеттік университетімен бірлесіп QS халықаралық рейтингінде университет имиджін көтеру мәселесі талқыланды.
Кездесудің маңызды нәтижесі- Баку мемлекеттік университетімен ынтымақтастық туралы меморандумға қол қою туралы шешім қабылданды. Болашақта Әзербайжанның өзге де жоғарғы оқу орындарымен өзара ынтымақтастық орнату жоспарлануда.
Жаңа мүмкіндіктерге шын жүректен қуаныштымыз және ынтымақтастығымыз зор нәтижелерге жеткізеді деп сенеміз!
