21 желтоқсан күні IITU-да «1С-Қазақстан» компаниясының қолдауымен «1С-Сапа» ұйымдастырған «Идеяларды монетизациялау» байқауының «Жобалар витринасы» кезеңі өтті.
Бұл байқау жас таланттарға өз идеяларын тәжірибелі менторларға ұсынып, IT саласындағы жетекші компаниялардан бағалы кәсіби пікір алу мүмкіндігін береді. «Идеяларды монетизациялау» байқауы – бизнес-идеяларды ойлап тауып, оны мобильді қосымша ретінде жүзеге асырудың ерекше алаңы.
Іс-шараның ерекшеліктері:
- Қатысушылар өз жобаларын кәсіби аудитория алдында қорғады.
- Эксперттер мен компания өкілдері бағалы ұсыныстармен бөлісті.
- Бұқаралық ақпарат құралдары мен қоғам назарын өзіне аударды.
Спикерлер:
- Казбекова Жанат Бекетовна, Global Education департаментінің директоры, тақырыбы: «Жоғары сынып оқушыларына кәсіби бағдар беру».
- Туржанов Умитхан, ғылыми қызметкер, тақырыбы: «Иммерсивті технологиялар: сандық дәуірде мамандықты таңдаудың жетістігі».
- Кожахметова Багдат Абдурашитовна, профессор, тақырыбы: «Болашақ мамандықтары: сандық дәуірде мамандықты таңдаудың жетістігі».
- Марат Гаухар Сериккызы, аға оқытушы, тақырыбы: «Болашақ мамандықтары: сандық дәуірде мамандықты таңдаудың жетістігі».
- Абдуллаева Гульзира, LabPro платформасының негізін қалаушы, тақырыбы: «Болашақ мамандықтар әлемі: өзіңді тауып, арман мансапқа қалай жетуге болады».
Біз жас таланттарды қолдап, олардың IT және бизнес әлемінде өздерін табуда көмектесуді жалғастырамыз!
