Цифрлық білім беру трансформациясы: студенттер мен оқытушылар үшін жаңа мүмкіндіктер.
ХАТУ Басқарма төрағасы — Ректоры Исахов Асылбек Абдиашимович Қазақстан Республикасының Ғылым және жоғары білім министрлігі ұйымдастырған қазақстандық делегация құрамында Қытайға жұмыс сапарымен барды. Делегация аясында Huawei вице-президенті Ли Цзюньфэн және Huawei Kazakhstan бас директоры Макс Чжаомен маңызды кездесу өтті.
Кездесудің маңызды нәтижелерінің бірі – Қазақстан Республикасының Ғылым және жоғары білім министрлігі мен Huawei Technologies Kazakhstan арасында өзара түсіністік туралы қол қойылған Меморандум болды. Бұл құжат Қазақстанның жоғары оқу орындарына, соның ішінде ХАТУ-ға, жаңа мүмкіндіктер ашады.
Меморандум аясында 2025 жылы ақылды сыныптардың пилоттық жобаларын іске асыру жоспарланып отыр. Бұл жобалар студенттерге Huawei компаниясындағы тағылымдамаларға, халықаралық байқауларға қатысуға және цифрлық экономиканың жаңа талаптарына бейімделуге мүмкіндік береді. Сонымен қатар, компания түлектер үшін бос жұмыс орындары жәрмеңкелерін ұйымдастыруды жоспарлауда.
ХАТУ осы ынтымақтастықты одан әрі кеңейтуді жоспарлап отыр. Университет Huawei-дің инновациялық шешімдерін, оның ішінде Smart Classroom және бұлтты платформаларын оқу процесіне енгізу арқылы білім беру сапасын арттыруды және студенттерді болашақтың сын-тегеуріндеріне дайындауды көздейді.
Huawei-мен ынтымақтастық мемлекеттік цифрландыру стратегиясын іске асыруда және Қазақстанның цифрлық экономикадағы халықаралық позицияларын нығайтуда маңызды қадам болып табылады. ХАТУ осы ауқымды жобаларға қатысу арқылы бәсекеге қабілетті мамандарды даярлауға өз үлесін қосуда.
