Халықаралық ақпараттық технологиялар университеті «Таза Қазақстан» республикалық акциясын қолдап, «Eco Day» экологиялық күнін ұйымдастырды. Іс-шараға университеттің оқутышылар құрамасы, қызметкерлері мен студенттері бірігіп қатысты. Олар IITU аумағын таза, жасыл әрі жайлы ету үшін ортақ мақсатпен бірікті.
Қатысушылар оқу корпустары мен оларға іргелес қала аумақтарын абаттандыру және тазарту жұмыстарын жүргізді. Атап айтқанда, газондар, тротуарлар мен арықтар тазартылып, ағаштар әктеліп, жасыл желектерге күтім жасалды.
«Eco Day» шарасына белсенді қатысқан барлық қатысушыларға шынайы алғысымызды білдіреміз. Мұндай бастамалар университеттің тұрақты әрі экологиялық бағытталған білім беру кеңістігін қалыптастыру стратегиясының маңызды бөлігі болып табылады.
