Біз Испанияның Аликанте университетімен ынтымақтастық туралы Меморандумға қол қойылғанын хабарлауға қуаныштымыз. Бұл «Бағдарламалық инженерия», «Компьютерлік инженерия», «Ақпараттық жүйелер» және «Есептеу техникасы және бағдарламалық қамтамасыз ету» бағыттары бойынша академиялық ұтқырлық аясында студенттеріміз үшін жаңа көкжиектер ашады.
17 сәуір күні Қазақстан Республикасы мен Испания Корольдігінің Ғылым және жоғары білім министрліктерінің, сондай-ақ осы елдердің елшіліктерінің қолдауымен ұйымдастырылған «Жоғары білім саласындағы ынтымақтастық: Қазақстан-Испания» халықаралық семинары өтті. Іс-шараның негізгі мақсаты - елдеріміз арасындағы ғылым мен білім саласындағы ынтымақтастықтың негізгі аспектілерін талқылау.
Бұл халықаралық ғылыми-білім беру ынтымақтастығын дамытудағы маңызды қадам және біздің студенттер мен оқытушылар үшін өздерінің академиялық және кәсіби көкжиектерін кеңейтуге үлкен мүмкіндік.
