ОҚУ-ӘДІСТЕМЕЛІК БІРЛЕСТІК ТУРАЛЫ

Оқу-әдістемелік бірлестік — ҚР Жоғары және жоо-дан кейінгі білім беру кадрларын даярлау бағыттары бойынша ҚР ҒЖБМ РОӘК жобаларын басқару тобы «061 — Ақпараттық-коммуникациялық технологиялар», «063 — Ақпараттық қауіпсіздік».

Оқу-әдістемелік бірлестік/Жобаларды басқару тобы (бұдан әрі — ОӘБ/ЖБТ) ҚР Білім және ғылым министрінің №562 2018 жылғы 12 қазан «Жоғары және жоо-дан кейінгі білім беру кадрларын даярлау бағыттары бойынша Республикалық оқу-әдістемелік кеңес пен оқу-әдістемелік бірлестіктерді құру және олардың қызметі туралы ережені бекіту туралы» бұйрығына сәйкес қызмет атқарады.

ХАТУ АҚ базасындағы ОӘБ Қазақстан Республикасының жоғары және жоо-дан кейінгі білім беру жүйесіндегі консультативтік-кеңесші жұмыс органы. ОӘБ қызметін басқару ҚР БҒМ жанындағы жоғары және жоо-дан кейінгі білім беру бойынша Республикалық оқу-әдістемелік кеңес арқылы жүзеге асырылады.

ОҚУ-ӘДІСТЕМЕЛІК БІРЛЕСТІКТІҢ ҚЫЗМЕТІ

1

Қазақстанның жоғары және жоо-дан кейінгі білім беру жүйесін ұлттық біліктілік шеңберіне, салалық біліктілік шеңберлеріне және кәсіби стандарттарға сәйкес дамыту тәсілдерін әзірлеу.

2

Әлемдік білім беру кеңістігінде бәсекеге қабілеттілігін арттыруға бағытталған Қазақстанның жоғары және жоо-дан кейінгі білім беру жүйесін дамыту стратегиясын қалыптастыруға қатысу.

3

Өзгеріп отырған жағдайларды ескере отырып және жаһандық шақыруларды назарға ала отырып, оқу процесін оқу-әдістемелік және ғылыми-әдістемелік қамтамасыз ету.

4

Жоғары және жоо-дан кейінгі білім берудің ішкі және сыртқы сапа қамтамасыз ету жүйелерін жетілдіру тәсілдері мен әдістерін әзірлеу.