«ХАТУ» АҚ Әскери кафедрасы Қазақстан Республикасы Қорғаныс министрінің №843 бұйрығына сәйкес 2018 жылғы 5 желтоқсанда құрылды. Университеттің Әскери кафедрасы студенттерді запастағы офицерлер ретінде әскери қызметке дайындауды қамтамасыз етеді. Оның басты мақсаты — білім алушылардың бойында Отанды қорғау және Ұлттық қауіпсіздік саласындағы міндеттерді орындау үшін қажетті білімді, іскерлікті және дағдыларды қалыптастыру.

— Қазіргі талаптарға сәйкес келетін запастағы офицерлер мен запастағы сержанттарды даярлаудың заманауи білім беру бағдарламаларын әзірлеу және іске асыру;
— Мемлекеттің әскери қауіпсіздігін қамтамасыз ету саласында студенттермен бірлескен ғылыми зерттеулерді ұйымдастыру және жүргізу;
— Студенттерді әскери-патриоттық жұмысқа тарту.

Қазақстан Республикасы Қарулы Күштері, басқа да әскерлер мен әскери құралымдар үшін Қазақстан Республикасы Президенті мен Үкіметіне адал, моральдық тұрғыдан тұрақты, тәртіпті, қызметтік және мемлекеттік құпияны сақтай алатын, жоғары идеялық-адамгершілік қасиеттерге ие, сондай-ақ әскери-есептік мамандыққа сәйкес қызметтік міндеттерін табысты орындауға қажетті білімдерге, іскерліктер мен дағдыларға ие запастағы офицерлер мен сержанттарды даярлау.