Құрметті IITU түлектері!
Сіздерді оқу аяқталуымен және диплом жұмыстарының қорғалуымен құттықтаймыз. Жақын арада сіздер университеттен дипломдалған мамандар ретінде шығып, кәсіби жолдарыңызды бастайсыздар.
Көптеген жылдар бойы IITU-да дипломдарды тапсыру бір күнде университеттен тыс жаппай өткізілетін. Бұл іс-шараға мыңнан астам түлек, шамамен екі мың ата-ана және достар қатысты. Айта кету керек, бұл тек қана кеңістікті жалға алу, қауіпсіздікті қамтамасыз ету және іс-шараны ұйымдастыруға байланысты айтарлықтай қаржылық шығындармен ғана емес, сонымен қатар қатысушыларға, жалға берушілерге, студенттер мен олардың ата-аналарына да кейбір қолайсыздықтармен байланысты болды.
Әртүрлі пікірлер мен ұсыныстарды, өткен жылдардағы диплом тапсыруды ұйымдастыру тәжірибесін ескере отырып, енді бұл іс-шараны университет қабырғасында өткізу туралы шешім қабылданды. Біз барлық адамдарға тең мүмкіндіктер ұсынуға және студенттерге қосымша шығындарды болдырмауға тырысамыз. Мүмкін, бұл біреулерді қанағаттандырмайтын шығар, бірақ шешімнің салмақты, консолидарлық екенін атап өтіп, оны түсіністікпен және құрметпен қарауды сұраймыз. Осы тұрғыда біз жаңа университеттік дәстүрді – дипломдарды өз Alma Mater-да тапсыруды қалыптастырып жатқанымызды атап өткен жөн. Бұл IITU студенттерінің маңызды оқиғаларының біріне айналып, университеттің түлектерімен байланысын нығайтады деп сенеміз.
Сіздерге дипломдарды тапсыру салтанаты 2024 жылдың 1-4 шілде аралығында өтетінін еске саламыз. Бұл маңызды іс-шараға құрметті қонақтар, оқытушылар және университет басшылығы қатысады. Тапсыру кестесімен сілтеме арқылы танысуға болады.
Диплом тапсыруға ата-ана, туыстар және жақын достармен келуге болады. Біз барлық қатысушыларға іс-шара кезінде жайлы жағдайлар, мерекелік безендіру және IITU дипломын алу сәтінің салтанатын қамтамасыз етуге тырысамыз. Сіздерге отбасымен және курстастармен естелік суретке түсуге, бейнеқұттықтаулар жазуға арналған фотозона жұмыс істейді.
Барлық түлектерге мантиялар беріледі. Ол үшін тапсыру басталардан бір сағат бұрын Жандосов көшесі жағынан кіретін 301 аудиторияға келу керек. Жанында жеке куәлігі болуы қажет.
Сіздерді диплом тапсыруда күтеміз!
Құрметпен,
Жастар істері жөніндегі комитет
және IITU әкімшілігі