ҒЫЛЫМИ КЕҢЕС ТУРАЛЫ

«Халықаралық ақпараттық технологиялар университеті» АҚ Ғылыми кеңесі университеттің оқу-тәрбие, ғылыми-зерттеу және әдістемелік қызметі мәселелерін шешетін басқару органы. Ғылыми кеңестің негізгі қызметі мәселелерді ашық отырыстарда ұжыммен еркін талқылау және шешу қағидаттарына негізделеді.

Ғылыми кеңестің отырыстары ай сайын өткізіледі, жылына екі рет университеттің барлық ПОҚ пен қызметкерлердің қатысуымен кеңейтілген отырыс ұйымдастырылады. Алғашқы отырыста Ғылыми кеңестің оқу жылына арналған жұмыс жоспары бекітіледі.

ХАТУ Ғылыми кеңес отырысының күн тәртібіндегі жобасын кеңес мүшелері мен мүдделі құрылымдық бөлімшелер басшыларының ұсыныстары негізінде ғылыми хатшы қалыптастырады және оны Ғылыми кеңес төрағасының қарауына ұсынады.

ҒЫЛЫМИ КЕҢЕСТІҢ ҚЫЗМЕТІ

1

Кеңес білім беру процесін ұйымдастыру бойынша шешімдер қабылдайды, университет құрылымын бекітеді, ЖОО-ның қысқа және ұзақ мерзімді даму стратегияларының жоспарларын қарастырады.

2

Кеңес жаңа білім беру бағдарламаларын, оқу жоспарларын және элективті пәндер каталогтарын бекітеді, оқытудың IT-индустрия стандарттарына сәйкестігін қамтамасыз етеді.

3

Кеңес қызметкерлер мен оқытушыларға ғылыми атақтар беру мәселелерін қарастырады, сондай-ақ мемлекеттік және ведомстволық наградалармен марапаттау туралы шешімдер қабылдайды.

4

Кеңес оқу жылының қорытындыларын талқылайды, кафедралардың ғылыми-зерттеу қызметін талдайды, сондай-ақ диссертация тақырыптары мен ғылыми-зерттеу жұмыстарының орындалуы туралы есептерді бекітеді.