Тәрбие және әлеуметтік жұмыс департаменті — Халықаралық ақпараттық технологиялар университетінің жайлы әрі қауіпсіз білім беру ортасын қалыптастыруға бағытталған іс-шараларды жоспарлауға, ұйымдастыруға және үйлестіруге жауапты бөлімшесі. Департамент 2024 жылы студенттердің тұлғалық және кәсіби өсуіне, әлеуметтік және көшбасшылық қасиеттерін дамытуға ықпал ету, сондай-ақ кәсіби бағдар беруге көмектесу мақсатында құрылды.

• ХАТУ студенттерімен белсенді азаматтық ұстанымды, әлеуметтік сана мен тұлғалық дамуды қалыптастыруға бағытталған тәрбие және әлеуметтік жұмысты ұйымдастыру.
• Студенттердің университеттің қоғамдық өміріне араласуына ықпал ететін бағдарламалар мен іс-шараларды, оның ішінде мәдени, спорттық және білім беру бастамаларын әзірлеу және іске асыру.
• Департаментке жүктелген міндеттер мен функциялар бойынша университеттің басқа құрылымдық бөлімшелерімен және сыртқы ұйымдармен өзара іс-қимылды қамтамасыз ету. Өзара іс-қимыл тәртібін тәрбие жұмысы және әлеуметтік мәселелер жөніндегі проректор белгілейді.
• Тәрбие жұмысы мен әлеуметтік бастамалар саласындағы студенттердің қажеттіліктерін бақылау және талдау, Департамент жұмысын жақсарту бойынша ұсыныстар әзірлеу.
• Департамент қызметкерлерінің біліктілігін арттыруға және студенттердің көшбасшылық, командалық жұмыс пен әлеуметтік жауапкершілік дағдыларын қалыптастыруға арналған білім беру және тренинг іс-шараларын өткізу.
• Өткізілетін іс-шаралар мен бағдарламалар бойынша есептілікті жүйелеу және жүргізу, олардың тиімділігін белгіленген өлшемдер бойынша бағалау.

Білім алушылардың жан-жақты тұлғалық, әлеуметтік және азаматтық дамуына жағдай жасау, олардың бойында тұрақты адамгершілік құндылықтарды, әлеуметтік жауапкершілікті және мінез-құлық мәдениетін қалыптастыру, студенттерді әлеуметтік қолдауды, олардың құқықтары мен заңды мүдделерін қорғауды қамтамасыз ету.

Департамент қолайлы тәрбиелік және әлеуметтік ортаны қалыптастыруға, азаматтық белсенділікті, студенттік өзін-өзі басқаруды және еріктілер бастамаларын дамытуға ықпал етеді, білім алушылардың әлеуметтік бейімделуі мен инклюзиясына жәрдемдеседі және студенттер, оқытушылар мен университет әкімшілігі арасындағы өзара байланысты нығайтады.