Мультимодульдік технологиялар негізінде тыныс алу функцияларын бақылау және түзетуге арналған бағдарламалық-аппараттық кешенді әзірлеу

Ағзаның функционалдық жүйелерін берілген математикалық бағдарламалар бойынша компьютерлік модельдеу ағзаның бейімделу әлеуетін көрсете және ақпараттық баға бере алады. Заманауи ақпараттық технологиялар мен жүйелік-аналитикалық қамтамасыз ету медицинаның әртүрлі салаларында ақпараттық технологиялардың қолданбалы түрде сәтті дамуының негізгі шарты болады, оған функционалдық биометрия бойынша компьютерлік модельдеу әдістері мен көп өлшемді деректерді талдау әзірлемелері кіреді. Ағзаның органдық, жасушалық жүйелері деңгейінде кез келген формацияның жұмыс істеу параметрлерін бағалаудағы жүйелік талдаудың өсуі назар аудартады. Жоба аясында загубникке (ауыздыққа) біріктірілген және тыныс алу параметрлерін анықтайтын датчиктері бар тыныс алу тренажерінің конструкциясын әзірлеу ұсынылады. Осылайша, тыныс алу тренажері оңалту кезінде негізгі физиологиялық параметрлерге зиянды әсер етпейді, тыныс алу ырғағының қарқындылығы кезінде тыныс алу кезіндегі физиологиялық шектің гипокапниялық желдетуі және дем алған кездегі резистивті жүктеме деңгейін арттыра алады. Компьютерлік модельдеу оңалту кезінде тыныс алу тренажерінен алынған деректерді жинау және талдау бойынша негізделген баға беру үшін тиімді тұжырымдамалық және практикалық құрал болып табылады, ал қазақстандық нарықтағы жоқтығы зияткерлік тыныс алу тренажерларының отандық бренді ретінде жаңа бастама береді.

Автономды түрде қоректенетін физиологиялық-респираторлық модификацияланған тыныс алу тренажерларына жүйелі талдау жүргізілді. Сымсыз беріліс технологияларын қолдана отырып жұмыс істейтін тыныс алу тренажерлары анықталды. Пациенттердің тыныс алу функцияларымен жұмыс істеу үшін қолданылатын әртүрлі бағдарламалық-аппараттық кешендердің әлемдік әзірлемелеріне талдау жасалды.

Маска үшін моторлы тыныс алу құрылғысын жасау инновациялық кезең болып табылады, оның шеңберінде моторлы клапан компоненті әзірленді. Арнайы датчиктерден алынатын деректерді ескере отырып, маскаға оттегінің берілуін дәл бақылау мақсатында моторлы клапан жасалды. Бұл технологиялық шешімнің негізгі миссиясы тыныс алу маскасын пайдаланудың тиімділігі мен ыңғайлылығын арттыру болып табылады. Ауада оттегі мөлшері аз жүйелерді немесе оттегі ағыны басқарылатын жүйелерді қоса алғанда, гипоксиялық жүйенің түрі таңдалды. Гипоксиялық ортаның сенімді ұсталуын қамтамасыз ететін маска әзірленді. Маска пайдаланушының бетіне тығыз орналасуын қамтамасыз етеді. Клапанның бірнеше нұсқалары жобаланды. Электрондық схеманың бірінші нұсқасы әзірленді. Осы схема үшін түйінді элементтер іріктелді.

О2, СО2, температура, ылғалдылық, қысым датчиктері әзірленді. Маскаға датчиктерді орнату және интеграциялау жоспарлауы жүргізілді. Датчиктердің орналасқан жері мен түрлері анықталды. Сервомоторларды қолдана отырып, маскаға оттегінің келуін реттеу үшін автоматтандырылған жүйе әзірленді және іске асырылды. Осы мақсатта сызбалар мен объектілер жасалып, 3D басып шығару арқылы басып шығарылды. Бұл моторлар оттегі мен көмірқышқыл газы деңгейінің көрсеткіштеріне байланысты оттегінің келуін реттейді, бұл масканы кию кезінде пайдаланушы үшін жоғары деңгейдегі жайлылық пен қауіпсіздікті қамтамасыз етеді.

Жоба нәтижелерін коммерцияландыруға болады.