Қазан айының соңында ханым Пелдон Акелиус халықаралық жобасына қатысушы Астана мен Алматы қалаларындағы мектептерді, сондай-ақ Халықаралық ақпараттық технологиялар университетін (ХАТУ) аралап қайтты.
2024 жылдың 21 қазанында №60 лицей мектепте Бутанның Тшеринг Пелдон ханыммен және ЮНИСЕФ өкілі Дамир Кожанбаевпен Акелиус халықаралық жобасы аясында кездесу өтті. Жоба координаторы, орыс тілі мен әдебиеті мұғалімі Карлыгаш Ережеповна және ағылшын тілі мұғалімі Алия Муратовна өз сабақтарында планшеттерді қалай пайдаланып жатқанын және жалпы Акелиус білім беру платформасымен қалай жұмыс істейтіндерін көрсетті. Оқушылардың планшеттермен белсенді жұмыс істеп, тапсырмаларды орындап, талқылап, түзетіп, қорытындылар жасағаны атап өтілді. Ханым Пелдон өз елінен айтып, Акелиус жобасының оның еліндегі мектептерде қалай жүзеге асырылып жатқанымен бөлісті. Кездесуге қатысушылар халықаралық сарапшымен өткен кездесудің қызықты, мазмұнды және өнімді өткенін атап өтті.
2024 жылдың 22 қазанында Тшеринг Пелдон ханым ЮНИСЕФ өкілі Дамир Кожанбаевпен бірге Бауыржан Момышұлы атындағы №53 мектеп-гимназиясына барды. Жоба координаторы, орыс тілі мен әдебиеті мұғалімі Гульнара Мырзагалиевна 6 «Б» сыныбында халықаралық Akelius платформасын қолдана отырып сабақ өткізді. Оқушылар грамматика мен әдебиетті интерактивті тапсырмалар арқылы оқуға белсенді түрде қатысып, оқу процесіне терең енді. Платформа жаңа тақырыптарды меңгеруге ғана емес, сонымен қатар сыни ойлауды дамытуға мүмкіндік берді, бұл сабақтың қызықты әрі тартымды болуына себеп болды.
2024 жылдың 23 қазанында ХАТУ-да Бутан Корольдігінің "Акелиус" бастамасының координаторы Тшеринг Пелдон мен ЮНИСЕФ-тің білім беру бойынша координаторы Дамир Кожанбаевпен "Миграциялық процестердегі балалар мен білім қалпына келтіру бағдарламаларына мұқтаж балалардың тілдік дағдыларын жетілдіру және оқу үлгерімін арттыру үшін орталық деңгейде әдістемелік қолдау көрсету" жобасы аясында маңызды кездесу өтті.
Университет әкімшілігі, ректор Исахов Асылбек Абдиашимович, халықаралық ынтымақтастық және қосымша білім беру жөніндегі проректор Дайнеко Евгения Александровна және жоба координаторы, Тілдер кафедрасының меңгерушісі Манапбаева Жаннура Жарканбекқызы ханым Пелдонға университеттің білім беру және ғылыми қызметімен таныстырды. Кездесу барысында серіктестікті дамыту жөніндегі стратегиялық мәселелер талқыланып, ХАТУ-дың білім беру және ғылыми кеңістікте жаңа деңгейге көшуі баса айтылды. Ректор Исахов Асылбек Абдиашимович әлемдегі үздік тәжірибелерді оқу процесіне енгізу үшін халықаралық ынтымақтастықты дамыту қажеттігін атап өтіп, ХАТУ үшін халықаралық сарапшыларды тарту мен перспективті серіктестік орнату басты басымдық болып табылатынын атап өтті.
ХАТУ-дың Тілдер кафедрасы әзірлеген жоба мектеп мұғалімдеріне Акелиус платформасында тұрақты оқыту ұйымдастыруға бағытталатын болады, мұнда аралас оқыту, сыныпты басқару және оқу үлгерімін бағалау мәселелеріне баса назар аударылады. Сондай-ақ балалар мен мұғалімдердің прогресін бағалау үшін әзірленген бағалау түрін талдау жоспарлануда. Бұл кездесу бастаманы жүзеге асырудың негізгі аспектілерін талқылауға және оқыту әдістерін сәтті енгізу стратегияларын әзірлеуге мүмкіндік берді.
2024 жылдың 24 қазанында Тшеринг Пелдон ханым ЮНИСЕФ өкілі Дамир Кожанбаевпен бірге Алматы қаласындағы №210 мектеп-гимназиясына Акелиус халықаралық жобасы аясында барды. Кездесу БҰҰ Балалар қоры (ЮНИСЕФ) және №210 мектеп-гимназиясының мұғалімдері қолдауымен өтті, мұнда балалардың сауаттылығын арттыруға арналған Акелиус пилоттық платформасымен жұмыс жүргізілуде. Шетелдік сарапшы мектеп директоры Ахметова Гульнара Мамбетовнамен кездесіп, пікір алмасып, платформаның болашақта ауқымын арттыру жоспары талқыланды. Кездесу барысында орыс тілі мен әдебиеті мұғалімі, тәлімгер Кушегенова Жазира Қалибекқызы 8 «Д» сыныбында ашық сабақ өткізсе, ағылшын тілі мұғалімі Омар Толқын Ерланқызы 7 «Д» сыныбымен ашық сабақ өткізді. Оқушылар интерактивті тапсырмаларды орындау кезінде үлкен белсенділік танытып, оқу процесіне толықтай қатысып отырды. Қосымша қолдану арқылы жаңа тақырыпты меңгеру ғана емес, сондай-ақ өткен тақырыптарды қайталап, оқушылардың ойлау қабілетін дамытуға мүмкіндік береді.
