20 қыркүйек күні сағат 12:00-ден 18:00-ге дейін IITU-де студенттік ұйымдардың жәрмеңкесі өтті. Бұл жерде студенттер өздеріне ұнайтын ұйымды таңдап, пікірлес адамдарды тауып, өз таланттарын көрсетуге мүмкіндік алды. Жәрмеңке аясында студенттік клуб жетекшілерімен кездесулер, конкурстар, интерактивті ойындар, музыкалық қойылымдар және позитивке толы шаралар ұйымдастырылды. 20-дан астам клубтар, спорттық секциялар және шығармашылық топтар өз бағыттарын таныстырып, волонтерлік бастамалар мен студенттік идеяларды белсенді түрде насихаттады. Қатысушылар пайдалы ақпарат алып, сыйлықтар мен жүлделерге ие болып, жарқын әрі мазмұнды студенттік өмірге алғашқы қадам жасады.