20-21 мамыр және 22-23 мамыр күндері ХАТУ-дың тіл және әдістемелік сарапшылары балалардың сауаттылығын арттыру жобасына қатысқан Астана және Шымкент мектептерінде болды. Елордалық мектептер мен оңтүстік өңір мектептеріне сарапшылар сапарының негізгі мақсаттары: орыс және ағылшын тілдерінің жаңа мұғалімдерімен танысу, Акелиус жобасы бойынша мұғалімдер арасында сауалнама жүргізу (электронды түрде), фокус-топта (6 сынып оқушылары) талқылау жүргізу, жоба бойынша оқушылардың біліміне бағалау жүргізу, офлайн әдістемелік/техникалық кеңес беру, сыныпты басқаруды талқылау, цифрлық ортаны ұйымдастыру, жобаны тиімді жүзеге асыру үшін әдістемелік материалдарды ұсыну, офлайн әдістемелік/техникалық кеңес беру және т.б. Айта кету керек, сарапшылар Астана қаласының мына мектептеріне баруды жоспарлады және орындады: № 53 мектеп-лицей, № 60 мектеп, № 62 мектеп-лицей, № 75 мектеп. Сабақтарды бақылау және тікелей қарым-қатынас сарапшыларға мұғалімдерге арналған тренингтерді ұйымдастыру және оқушыларды бағалау бойынша әдістемелік нұсқаулық құру бойынша ары қарай жоспар құруға мүмкіндік берді.
Әдістемелік сарапшылар Бубликова Оксана Васильевна тілдер кафедрасының қауымдастырылған профессоры және тілдер кафедрасының сениор-лекторы Нұрахынова Айнұр Сәрсенқызы №75 мектепте орыс тілі мұғалімдері өткізген тренинг пен шеберлік сыныбына қатысты: Анар Серікқызы мұғалімдерге арналған «Ұшу-қону» тренингін өткізді, онда оның негізгі міндеті практикада Акелиус қосымшасын қолдана отырып, оқушыларға арналған сұрақтарды қалай құрастыруға болады және жаңартылған бағдарлама бойынша мақсаттары мен міндеттерін салыстыра отырып, аралас форматтағы сабақтарда дескриптормен жұмыс болды.
Орыс тілі мұғалімдері Куракбаева Ж.А. мен Кязимова З.С. орыс тілі сабақтарында Акелиус қосымшасын қолдануға әдістемелік талдау жүргізді; аралас форматтың артықшылықтары мен кемшіліктерін жүйеледі; қорытынды жасады.
Тіл сарапшысы, ХАТУ тілдер кафедрасының қауымдастырылған профессоры Оксана Бубликова Akelius жобасының 2-ші кезеңі сәтті өтіп жатқанын атап өтті, мұны Akelius жобасының 1-ші кезеңіне қатысқан мұғалімдердің тәжірибесін қабылдаған мұғалімдердің тәжірибесі дәлелдейді. Оның айтуынша, мұғалімдер қандай жағдайларда Akelius қолдану керектігін түсінеді. Оксана Васильевна сонымен қатар барлық мұғалімдердің сабақтары әртүрлі және қызықты екенін атап өтті: әр мұғалім білім алушыны оқу процесіне тарту үшін әртүрлі құралдарды қолдануға тырысады, осылайша бірыңғай оқу мақсатына жетеді.
Сарапшылар сонымен қатар №75 мектепте ағылшын тілі бойынша ашық сабаққа қатысты, ол «Станцияларды ротациялау» моделін қолдана отырып, аралас форматта өткізілді. Оксана Васильевнаның пікірінше, педагогтер Бикенова Жанар Боранбайқызы мен Қалиева Бағила Сағидоллақызы сабақ барысында «Станцияларды ротациялау» моделінің сәтті қолданылуын көрсете алды.
Бірақ Оксана Бубликова сабақ кезін бақылау процесінде бірқатар әдістемелік қиындықтарды атап өтті: көбінесе сабақ кезінде мұғалімдер үздік оқушыларды тартады (бірақ бұл ашық сабақтардың ерекшелігі).
Тілдер кафедрасының сениор-лекторы Айнұр Нұрахынова сонымен қатар елордалық мектептердің, әсіресе сапар барысында қатысқан №75 мектеп-гимназияның техникалық жабдықталуын, сондай-ақ осы мектеп педагогтерінің кәсіби дайындығын атап өтті. Оның айтуынша, Астанада жобаға белсенді қатысатын және әрқашан өз міндеттерін орындауға және нәтижеге қол жеткізуге бағытталған мектептер мен педагогтердің деңгейі өте жоғары.
Тіл сарапшылары Жаннұр Манапбаева жоба үйлестірушісі, PhD, ХАТУ АҚ тілдер кафедрасының меңгерушісі және Айжан Қалмықбаева тілдер кафедрасының сениор-лекторы Шымкент қаласындағы жобаға қатысқан бірқатар мектептерде болды: С.Көбеев атындағы №56 ЖББОМ, Р.Мырзашев атындағы №76 ЖББОМ, №80 ЖББОМ, №86 ЖББОМ, №122 ЖББОМ. Шымкент қаласының мектептерінде жағдай елордалық мектептерден айтарлықтай ерекшеленбейді.
Жаннұр Жарқынбекқызы сапар барысында техникалық қиындықтар байқалды деп есептейді. Барлығы планшеттерді белсенді және нақты пайдаланады, бірақ Интернетке тәуелділік бар, өйткені барлық қажетті материалдар планшеттерге алдын ала жүктелмеген. Жаннұр Жарқынбекқызының пікірінше, кейбір сыныптарда сыныпта белсенді жұмыс түрлері жетіспейді, балалар «Станцияларды ротациялау» технологиясы бойынша топтарға бөлінеді, бірақ бірдей тапсырмалар орындалады.
Жоғарыда аталған мектептерге сапар барысында сарапшылар сабақтарға қатысып қана қоймай, 6 сынып оқушылары арасында фокус-топта талқылау өткізді, сондай-ақ офлайн әдістемелік және техникалық консультациялар өткізді. Жобаны тиімді іске асыру үшін әдістемелік материалдарды ұсынды, сондай-ақ Акелиус платформасында курсты жетілдіру жұмыстары жалғасатынын атап өтті. Сапар соңында өткен тренингтер бойынша сертификаттар табысталды.