ХАТУ, Акелиус және ЮНИСЕФ бірлескен жобаны бастады
2021 жылдың 15 қарашасынан бастап ХАТУ Акелиус және ЮНИСЕФ-пен бірлескен «Қазақстанда бастауыш және орта мектеп деңгейінде оқытудың нәтижелерін жақсарту және ықпалдастыру үшін балалардың осал топтарының орыс тілін меңгеруін жақсарту үшін орталық деңгейде техникалық қолдау көрсету» атты бірлескен жобаның мүшесі болды.
Жоба үйлестірушісі, ХАТУ Тілдер кафедрасының меңгерушісі Жаннура Манапбаеваның айтуынша, бұл бастама көші-қон үдерістерінен зардап шеккен және Қазақстанда мәдениетаралық қарым-қатынас және мектептерде білім алу тілі ретінде кеңінен қолданылатын орыс тілін білмейтін балаларды әлеуметтендіруге бағытталған.
Пилоттық жобаға Қазақстанның 9 мектебі қатысуда:
- Нұр-Сұлтан – №60 мектеп-лицей, №67 гимназия, №53 мектеп-лицей.
- Алматы – №152 мектеп-гимназия, С.Көпбаев атындағы №186 мектеп-гимназия, №78 мектеп-гимназия, Алматы қаласы Білім басқармасының «Қиын өмірлік жағдайдағы балаларға қолдау көрсету орталығы» КММ.
- Шымкент – Р.Мырзашев атындағы №76 мектеп, М.Жұмабаев атындағы №39 мектеп, №50 мектеп-гимназия.
«Осы мектептердің базасында цифрлық зертханалар құрылды, онда оқушылар мен мұғалімдер сабақ кезінде планшет, құлаққап және басқа да гаджеттерді пайдаланады. Мұғалім жұмыс істейтін балалардың үш жас тобы бар: 1 топ – 5-9 жас; 2-топ - 10-14 жас; 3-топ – 15-17 жас, алайда топтар негізінен жас бойынша аралас топтар, бұл мұғалімнің жұмысын қиындатады», – деп түсіндірді Жаннура Жарқынбекқызы.
Жобаны жүзеге асыру барысында мектеп мұғалімдеріне әдістемелік көмекті ХАТУ тіл сарапшылары – теңестірілген профессор Динара Алиева мен ассистент-профессор Оксана Бубликова, сонымен қатар әдістемелік сарапшылар – теңестірілген профессор Эльмира Еркебекова мен ассистент-профессор Евгений Медведев көрсетеді. Курс жобаны жүзеге асыруға қатысатын мұғалімдердің тұрақты кері байланысы негізінде бейімделеді.
«Тіл және әдістемелік сарапшылардың саны төртеу. Әрқайсысымыз жұмысқа жеке көзқарасымызбен қараймыз. Бұл жұмысты барынша оңтайландыруға септігін тигізеді. Ұсыныстарымызда біз сабақтардың ұйымдастыру жағынан да, құрылымы бойынша да, мазмұны бойынша да әртүрлі үлгілерін әдейі ұсынып отырмыз. Бұл мұғалімнің өз әдістемелік шешімдерін еркін таңдауына ықпал етеді», – деді Оксана Васильевна.
ХАТУ сарапшылары Akelius платформасына салынған сабақтарға түсініктеме береді, оқушылардың жетістіктерін бағалау және өзін-өзі бағалау критерийлерін әзірлейді, оқытушылармен әдістемелік семинарларда орыс тілін шет тілі ретінде оқытудың теориялық мәселелерін талдайды, аралас нысанда оқытуда әр түрлі жастағы оқушылардан құралған топқа сабақты өткізу мысалдарымен бөліседі.
Пилоттық жобаның соңына дейін (2023 жылдың ақпаны) 250 бала Akelius платформасында оқытылады, ал аралас нысанда тілдерді оқыту әдістемесі басқа пәндер бойынша сауаттылықты арттыру және цифрлық ортада оқыту жұмысына үлгі ретінде қолданылады деп күтілуде.