Солтүстік Еуразия Студенттік әлем чемпионаты ICPC финалына сәтті қатысып, үлкен жетістіктерге қол жеткізген IITU командаларын шын жүректен құттықтаймыз!
Студенттеріміздің бес командасы 2024 жылдың 14-15 желтоқсанында Астана IT университетінде өткен жарыста университетімізді жоғары деңгейде танытып, бағдарламалау саласындағы терең білімдері мен шеберліктерін паш етті.
Natural Intelligence командасының мүшелері Батырхан Алтынбеков, Дінмұхамед Шорманхан және Фёдор Попов бірінші дәрежелі дипломдарды жеңіп алса, екінші дәрежелі дипломды Rubber Bug Deduckers командасы иеленді: Абдусаттар Сражов, Михаил Капитов және Нариман Тен.
Сонымен қатар, келесі командалар да белсенді түрде қатысты:
• 3 Bug Busters: Әли Манашов, Алишер Рақымберді, Артур Шакиев
• 4 Competitive Sports Programming Coders: Мағжан Ахмет, Мұхаммедқанафия Әбиев, Зинедин Әбибулла
• 10 Dostyk: Әлихан Әбдіраман, Мади Оразбаев, Манас Тарғын
Ерекше айта кететін жайт, командаларды дайындаудағы үлкен еңбегі үшін тренерлер Ескендір Сұлтанов, Айбар Қуанышбай және Алиасқар Сапаралиевке алғысымызды білдіреміз.
Чемпиондарымызды тағы да құттықтаймыз! Сіздердің жетістіктеріңіз – біздің мақтанышымыз!
