Кеше , желтоқсанның 9-ы Халықаралық ақпараттық технологиялар университетінде «Жаңа шындықтың геосаясаты: Қазақстан және әлемдік тәжірибе» атты Халықаралық ғылыми-практикалық конференциясы өткізілді. Конференцияға әлемдік деңгейдегі сарапшылар қатысты. Олардың арасында UN Department of Global Communications өкілі Vlastimil Samek, Қазақстан Ұлттық комитетінің вице-төрағасы Viktoriya Ilina, Rhodes College (АҚШ) халықаралық зерттеулер кафедрасының қызметкері Nikolaos Zahariadis және басқа да халықаралық сарапшылар болды.
Конференция барысында геосаясат, мәдени алмасу, халықаралық қатынастар, интернет қауіпсіздігі, білім беру мен IT технологияларының рөлі сияқты маңызды тақырыптар талқыланды. Әлемдік геосаяси, мәдени, білім беру және әскери процестерді отандық және халықаралық сарапшылармен бірге қарастыру, сондай-ақ Қазақстанның ұлттық мүдделерін әлемдік аренада қорғау мәселелері маңызды назарға алынды.
Конференция өз мақсатын орындап, ғылым мен білім саласында терең пікірталастар мен тәжірибе алмасу алаңына айналды.
