21 наурыз күні Бостандық ауданы әкімдігі ұйымдастырған мерекелік іс-шарада IITU университеті өзінің инновациялық жобасын таныстырды. Шараға аудан әкімі арнайы қатысып, университет студенттері мен оқытушыларының жетістіктерімен танысты.
IITU университеті ақпараттық технологиялар бағыты бойынша жетекші оқу орындарының бірі ретінде заманауи IT шешімдерді белсенді дамытып келеді. Сол бағыттағы ең жаңа жобалардың бірі – VR-көзілдірік арқылы қазақтың дәстүрлі киіз үйін виртуалды түрде тамашалау мүмкіндігі.
Бұл VR-көзілдірік тек қарапайым визуалды бақылауға арналмаған. Ол пайдаланушыны толықтай виртуалды кеңістікке енгізеді: көзілдірікті киіп, адам киіз үйдің ішіне «енеді», оның құрылымын, ұлттық ою-өрнектерін, жиһаздарын жан-жақты көре алады. Сонымен қатар, кейбір модельдерде дыбыстық эффектілер мен интерактив элементтер қосылып, тәжірибені шынайы өмірдегідей етеді. Көзілдірік арқасында пайдаланушылар тек көреді емес, сонымен бірге кеңістікті сезінеді, қозғалыс жасап, түрлі бұрыштан бақылау мүмкіндігіне ие болады.
Мерекеде университеттің ұйымдастырған ұлттық ойындары да ойнатылып, жеңімпаздарға имидждік сыйлықтар табыс етілді, ал шара екі әлемдік рекордқа куә болды.
Бұл жоба дәстүр мен заманауи технологияны біріктіріп, қазақ мәдениетін цифрлық форматта көрсетуге мүмкіндік береді.
