2024 жылғы 23 қазан күні КБТУ «Jastar city» студенттер үйінде Республика күніне орай IITU студенттері үшін факультеттердің ұйымдастыруымен интеллектуалды ойын өтті. Ойынның тақырыбы «Біздің егемендігіміз» болды және бұл қатысушыларға еліміздің тарихы мен жетістіктерін тереңірек түсінуге мүмкіндік берді.
Студенттер түрлі сұрақтарға жауап беріп, қызықты тапсырмаларды шешу барысында аналитикалық және командалық дағдыларын белсенді түрде көрсетті. Нәтижесінде, шиеленісті жарыс барысында үздік командалар анықталып, оларға лайықты сыйлықтар табыс етілді.
Бұл іс-шара студенттердің интеллектуалдық әлеуетін дамытуға ғана емес, елімізге деген патриотизм мен мақтаныш сезімін нығайтуға да ықпал етті. Барлық қатысушыларды табысты өнер көрсетуімен құттықтап, ұйымдастырушыларға шара үшін алғысымызды білдіреміз!