IITU әлемдік рейтингте сенімді түрде көтеріліп келеді!
Университет қауымдастығының академиялық потенциалды дамытуға және халықаралық ынтымақтастықты кеңейтуге бағытталған үйлесімді жұмысының арқасында IITU QS Asia University Rankings рейтингінде өз нәтижелерін жақсартып, Азияның үздік 751-800 университетінің қатарына қосылды.
Алдыңғы жылы, яғни 2023-2024 оқу жылының қорытындысы бойынша, университетіміз 801+ санатында орын алып, осы рейтингке енген Қазақстандағы ең жас жоғары оқу орындарының бірі атанды.
Студенттерді, оқытушыларды және қызметкерлерді осы маңызды жетістікпен құттықтаймыз! Бұл біздің білім беру бағдарламаларымыз бен ғылыми жетістіктеріміздің жоғары деңгейде екендігінің тағы бір дәлелі. Сонымен қатар IITU-дің халықаралық аренадағы беделінің нығая түскендігінің айғағы.
