2026 жылғы 20–24 сәуір аралығында студенттер мен қызметкерлердің психологиялық денсаулығын қолдауға бағытталған іс-шаралар ұйымдастырылып, өткізілді.
20 сәуір Бас корпустың (фойе) аумағында сағат 10:00–13:00 аралығында UIB-тің студент-практикант-психологтары ұйымдастырған жеке психологиялық консультациялар өтті. Студенттер өздерін толғандырған жеке мәселелерін талқылап, психологиялық қолдау алу мүмкіндігіне ие болды.
21 сәуір «Qamqor» клиникасының клиникалық психологы Адиля Ринатовна «Студенттер арасындағы үрей: оқу мен өмірде өзін-өзі реттеудің практикалық тәсілдері» тақырыбында дәріс өткізді. Іс-шара барысында студенттер үрейді төмендету және стрессті басқару әдістерімен танысты.
23 сәуір Университет қызметкерлері үшін екі кездесу өткізілді: — Психиатр-дәрігер Ассимова Тамара Абубакировна — «Психиатрлар туралы мифтер мен шындық: эмоционалдық қажуды жеңудегі психиатрияның рөлі» — Психолог Нурпеисова Салтанат Юсуфовна — «Қызметкерлердің психологиялық әл-ауқаты: стресстің алдын алу және ресурстарды сақтау»
24 сәуір ХАТУ психологтары ЖОО психологтары мен психиатр дәрігерімен бірлесіп онлайн-кездесу ұйымдастырды. Кездесу барысында суицидтік мінез-құлықпен жұмыс істеудің бірыңғай алгоритмін әзірлеу мәселелері талқыланды. Апта бойы Студент-практикант-психологтар психологиялық әл-ауқатқа қатысты әртүрлі тақырыптар бойынша сауалнама жүргізіп, бейнетүсірілім жұмыстарын атқарды.
Қорытынды: Өткізілген іс-шаралар психологиялық денсаулық мәселелері бойынша хабардарлықты арттыруға, өзін-өзі реттеу дағдыларын қалыптастыруға, сондай-ақ университеттің студенттері мен қызметкерлерінің психологиялық әл-ауқатын нығайтуға ықпал етті.
