IITU-дің аға оқытушысы Олжас Олжаев, ҚР Ғылым және жоғары білім министрлігі мен NVIDIA компаниясы арасындағы серіктестік аясында жүзеге асырылатын бағдарламаны сәтті аяқтады. Бұл Deep Learning Institute (DLI) бағдарламасының елшісі болу мүмкіндігін ашты.
Олжас Олжаевтың алған сертификаты оның NVIDIA қолдауымен академиялық қауымдастыққа семинарлар өткізу құқығы бар екенін растайды. Өз жұмысы барысында Олжас 160-тан астам студентке қазіргі заманғы технологиялардың негізгі аспектілерін, мысалы, деректерді тиімді жылжыту, GPU көмегімен ETL-конвейерлерді масштабтау және Plotly арқылы үлкен деректерді талдау үшін интерактивті панельдер жасау сияқты маңызды мәселелер бойынша оқыту жұмыстарын жүргізді.
Қазақстан Республикасы Ғылым және жоғары білім министрлігі мен NVIDIA компаниясы арасындағы ынтымақтастық білім беру орындары мен әлемдік технологиялық көшбасшылар арасындағы байланыстарды нығайтып, инновациялық зерттеулер мен студенттердің кәсіби өсуі үшін жаңа мүмкіндіктер ашады. Осындай бастамалар арқылы ХХІ ғасырдың академиялық қауымдастығы туындаған қиындықтарға төтеп беруге дайын деп сенеміз.
