Талантты және шығармашыл жастардың басын қосқан «Jas gala 2026» республикалық фестиваль-байқауы өз мәресіне жетті. Аталған байқауға Халықаралық ақпараттық технологиялар университетінің студенттері қатысып, жоғары дайындық деңгейі мен шығармашылық әлеуетін көрсетті.

Байқау қорытындысы бойынша ХАТУ студенттері келесі нәтижелерге қол жеткізді:

«Qazyna» ұлттық аспаптық ансамблі қазақ өнерін насихаттап, жоғары деңгейде орындау шеберлігі үшін жүлделі ІІІ орынға ие болды.

Серіков Ерасыл «Хореография» бағыты бойынша арнайы номинациямен марапатталды. Оның сахналық мәдениеті мен пластикасы қазылар алқасының жоғары бағасына ие болды.

Мұндай байқауларға қатысу студенттердің шығармашылық қабілеттерін дамытуға және олардың әлеуетін ашуға мүмкіндік береді, сондай-ақ университеттің мәдени-білім беру кеңістігіндегі орнын нығайтады.