2026 жылғы 12–15 мамыр аралығында Астана қаласында IEEE алтыншы Халықаралық Smart Information Systems and Technologies (SIST) конференциясы өтті. Аталған іс-шараға әртүрлі елдерден келген ғалымдар, сарапшылар, бизнес өкілдері мен студенттер қатысты.

Конференцияға Халықаралық ақпараттық технологиялар университетінің Басқарма Төрағасының міндетін атқарушы – Ректор Колесникова К.В. қатысып, университет атынан халықаралық ғылыми алаңда сөз сөйледі.

Іс-шара барысында технологиялық менеджмент, цифрлық трансформация, жасанды интеллект, машиналық оқыту, үлкен деректерді талдау және IT саласындағы заманауи шешімдер сияқты маңызды бағыттар қамтылды.

Мұндай ауқымды конференцияға қатысу университеттің халықаралық деңгейдегі беделін айқындап, оның жаһандық ғылыми-білім беру кеңістігіндегі белсенді рөлін көрсетеді.

SIST 2026 тәжірибе алмасу, өзекті мәселелерді талқылау және кәсіби байланыстарды кеңейту үшін маңызды алаңға айналды. Университет үшін бұл — ғылыми қауымдастыққа қосқан үлес қана емес, сонымен қатар IT саласын дамытуға бағытталған жаңа идеялар мен бастамалардың бастауы.