IITU және Open University Malaysia (OUM) ынтымақтастық туралы келісімге қол қойды.
2024 ж. 25-26 қазан аралығында Малайзияға сапар барысында IITU Басқарма Төрағасы-Ректор Исахов Асылбек Абдиашимович OUM басшылығымен кездесті. Кездесуде институционалдық серіктестік, бірлескен білім беру бағдарламаларын іске асыру, OUM -ның практикалық тәжірибені үздіксіз дамыту мақсатында тәжірибесін қолдану және бейімдеу мәселелері талқыланды.
Келісімге қол қою рәсімі OUM -ның 28-ші түлек шығару салтанаты аясында өтті. IITU өкілдері 2024 жылғы 6000-нан астам түлекке диплом табыстау салтанатына құрметті қонақ ретінде қатысты.
2000 жылдың тамызында құрылған Open University Malaysia Малайзияның алғашқы 11 мемлекеттік университетінің консорциумы болып табылатын Multimedia Technology Enhancement Operations Sdn Bhd (METEOR) компаниясына тиесілі. OUM -ның бакалавриат және магистратура бағдарламалары Малайзияның Квалификация агенттігі, Мемлекеттік қызмет департаментімен бекітілген.
«Университет барлығы үшін» деген ұранмен жұмыс істейтін OUM дәстүрлі оқу жолымен қатар, кәсіби тәжірибенің құндылығын мойындайтын алдыңғы тәжірибені бағалау (APEL) жүйесі арқылы да оқуға мүмкіндік береді.