26.02.26 күні ХАТУ-да виртуалды шынайылық технологияларын қолдана отырып, физика пәнінен инновациялық зертханалық сабақ өтті. Жұмыс аясында студенттер механикадағы айналмалы қозғалыстың маңызды сипаттамасы — шардың инерция моментін анықтау бойынша эксперимент жүргізді.
Иммерсивті ортада классикалық зертханалық қондырғы қайта жасалды: шар көлбеу жазықтықпен домалап, ілгерілемелі қозғалысқа ұласады және еркін ұшады. Білім алушылар биіктікті, массалар центрінің жылдамдығын және ұшу қашықтығын өлшеп, есептеулер жүргізді, сондай-ақ эксперименттік деректерді теориялық формулалармен салыстырды.
VR технологиясын қолдану энергияның таралуын визуалды түрде көрсетуге, эксперимент параметрлерін өзгертуге және нақты уақыт режимінде айналудың қозғалыс динамикасына әсерін талдауға мүмкіндік берді. Мұндай формат күрделі физикалық процестерді көрнекі етеді, студенттердің сабаққа қатысу белсенділігін арттырады және зерттеушілік ойлауды қалыптастырады.
Зертханалық жұмысты цифрлық және XR-шешімдерді білім беру процесіне біріктіруге бағытталған «Иммерсивті технологиялар» білім беру бағдарламасы аясында профессор ассистенті Айгерім Шапиева (РЭТ кафедрасы) және сеньор-лектор Үмітхан Тұржанов (КИ кафедрасы) өткізді.
Біз іргелі ғылым озық оқыту технологияларымен үйлесім тапқан заманауи академиялық ортаны одан әрі дамытуды жалғастырамыз.
