Ректор Асылбек Исахов IITU Түлектер қауымдастығының төрағасы Аманбек Хуанышбекпен кездесті.
Кездесу барысында Түлектер қауымдастығының қызметі мен болашақ жоспарлары, бірлескен жобаларды іске асыру және «Байзақ» жаңа корпусында IT-кластерін құру мәселелері талқыланды. Аманбек Хуанышбек түлектерді университет өміріне белсенді қатыстыруға дайын екенін білдірді. Түлектер негізін қалаған ұйымдар мен бизнес құрылымдарында IITU студенттерінің тағылымдамадан және тәжірибеден өтулері өз жалғасын табатын болады. Сонымен қатар, «Alumni Day» шарасын ұйымдастыру және танымал халықаралық компанияларда жұмыс істейтін атақты түлектермен әрекеттестіктің оңтайлы тәжірибесі атап өтілді.
Кездесу соңында ректор Асылбек Исахов Қауымдастық басшысына сәттілік тілеп, университет ынтымақтастықты кеңейтуге бағытталған бастамалар мен ұсыныстарды қолдайтынын айтты.
«Alumni IITU» Қауымдастығы 2023 жылы құрылған, қазіргі уақытта оның құрамында 120-дан астам адам бар.
