8 қараша күні IITU-да «CAREER DAY» сәтті өтіп, онда студенттер университеттің табысты түлектерімен – «1FIT» компаниясының негізін қалаушысы Мерей Байжокинмен және «TREDO» компаниясының директоры, негізін қалаушысы Аманбек Хуанышбекпен қарым-қатынас жасаудың бірегей мүмкіндігіне ие болды.
Іс-шара барысында қонақтар өздерінің табысты жұмыс жолында болған оқиғаларымен бөлісіп, мансап құру бойынша практикалық кеңестер берді. Қатысушылар жетістікке жетуге ықпал ететін негізгі факторлар туралы білді және жеке сұрақтарын қоя алды.
Сонымен қатар, TREDO компаниясының директоры студенттерге тәжірибе өту және бос жұмыс орындарына орналасу мүмкіндіктерін ұсынып, табысты мансапты бастауға көмектесуге дайын екенін айтты.
