IITU студенті киберспорттың биік шыңдарын бағындыруда!
Құрметті достар, біз сіздермен керемет жаңалықпен бөлісуге қуаныштымыз! Бағдарламалық инженерия мамандығының 3 курс студенті Оңдасынов Даулет Абайұлы Counter-Strike 2 дисциплинасы бойынша Қазақстан Республикасының киберспорт ұлттық құрама командасына қосылып, халықаралық аренада Қазақстан намысын қорғайтын болды!
Дәулет 12 мамырда Астанада өткен «QAZAQSTAN RESPUBLIKASYNIN KUBOGI 2024» финалында 1-орынға ие болып, керемет нәтиже көрсетті. «Lewandownskie» командасының мүшесі ретінде ол нағыз кәсіпқойлық танытты. Оның үстіне Дәулет Қазақстан Республикасы Кубогының алты дүркін чемпионы!
Дәулетті осынау жарқын жеңісімен құттықтап, алдағы турнирлерде одан әрі табыс тілейміз!