Халықаралық ақпараттық технологиялар университеті (IITU) Қазақстан Республикасы Ғылым және жоғары білім министрлігінің жоғары білімді интернационалдандыру жөніндегі жүйелі саясаты аясында халықаралық ынтымақтастықты белсенді түрде дамытып келеді. Осы жұмыстың жарқын нәтижелерінің бірі – IITU студенттерінің Германиядағы Хоф қолданбалы ғылымдар университетінде қос диплом бағдарламасын табысты аяқтап, беделді еуропалық оқу орнының дипломдарын алуы.
Амина Кенгес, Едил Елхан, Дарья Коробкина және Едиге Ахтанберди жоғары деңгейлі дайындықтарын дәлелдеп, академиялық мобильділік бағдарламасының тиімділігін көрсетті.
Хоф университетімен бірлескен қос диплом бағдарламасы «Киберқауіпсіздік» және «Есептеу техникасы және бағдарламалық қамтамасыз ету» білім беру бағдарламаларының студенттері үшін жүзеге асырылады. Үш жыл бойы студенттер IITU-де білім алып, содан кейін Германияда бір жылдық оқуын жалғастырады.
«Қос диплом бағдарламалары – еліміздің болашағына салынған инвестиция. Олар студенттерге бір уақытта Қазақстанда да, шетелде де сапалы білім алып, бірегей халықаралық тәжірибе жинақтауға және жаһандық еңбек нарығында бәсекеге қабілетті маман болуға мүмкіндік береді», – деп атап өтті IITU ректоры, профессор Асылбек Исахов.
Қос диплом бағдарламаларының артықшылықтары:
- Қазақстандық және халықаралық стандарттарға сәйкес бірлесіп әзірленген оқу жоспарлары бойынша білім алу;
- халықаралық оқу және коммуникация тәжірибесі;
- қарқынды тілдік дайындық;
- жаңа мәдени және білім беру ортасына бейімделу;
- бірдей оқу мерзімінде екі диплом алу;
- ішкі және халықаралық еңбек нарығында бәсекеге қабілеттілік;
- білім берудің келесі деңгейіне шетелдік ЖОО-ларға түсу кезіндегі артықшылықтар.
Қос диплом бағдарламаларын дамыту – бұл академиялық мобильділікті арттыруға, әлемдік көзқарасы бар жаңа буын мамандарын тәрбиелеуге және қазақстандық білімді халықаралық деңгейге шығаруға бағытталған ҚР Ғылым және жоғары білім министрлігінің басты мақсаттарымен үйлеседі.
IITU-дың халықаралық серіктестіктері
Хоф университетімен әріптестіктен бөлек, IITU студенттері басқа да жетекші жоғары оқу орындарымен қос диплом алуға мүмкіндікке ие:
Universiti Tenaga Nasional (Малайзия) – 3+1 форматы, «Қаржылық инженерия» және «Қаржылық технологиялар» мамандықтарының студенттері үшін;
INHA University (Оңтүстік Корея) – 2+2 форматы, экономика және бизнес кафедрасының студенттері үшін;
Adam Mickiewicz University (Польша) – 2+2 форматы, медиакоммуникация және Қазақстан тарихы кафедрасының студенттері үшін.
Сонымен қатар, келесі университеттермен келісімдер бар:
- Seoul Media Institute of Technology (Оңтүстік Корея) (4+1) – киберқауіпсіздік саласындағы магистратура:
- IITU-де компьютерлік, желілік және аппараттық қауіпсіздік бағдарламалары бойынша 4 жыл оқу;
- SMIT-те 1 жылдық магистратура және Master of Science in Cybersecurity дәрежесін алу.
2. VSB-TUO (Острава, Чехия) – Computer Science бойынша бірлескен бағдарлама:
- FEI VSB-TUO-ның Computer Science бакалавры дипломы;
- IITU-дың «Бағдарламалық жасақтама инженериясы» бағдарламасы бойынша бакалавр дипломы.
Осылайша, IITU ҚР Ғылым және жоғары білім министрлігі айқындаған интернационалдандырудың ұлттық стратегиясын жүзеге асыруға елеулі үлес қосып, жаһандық деңгейде табысты бәсекеге түсуге дайын Қазақстанның цифрлық трансформациясының жаңа буын көшбасшыларын қалыптастыруда.
