ICPC World Finals 2024 спорттық бағдарламалау бойынша әлем чемпионатының 48-ші финалында IITU командасы бүкіл әлем бойынша 73 000-нан астам студенттер іріктеліп алынған 140 команданың арасында 27-орынға ие болып, ТОП-30-ға енді. Жігіттер 7 есептің 6-ын шешіп, Солтүстік Еуразияның 19 командасы арасында қола медаль және Қазақстан құрамалары ішінен бірінші орынды иеленді!
Бұл тамаша жетістік, әсіресе қатысушылардың 1%-дан азы біліктілікке ие болғанын ескерсек.
IITU командасының құрамында Ескендір Сұлтанов пен Айбар Қуанышбайдың жетекшілігімен Әлихан Зиманов, Темірхан Зиманов және Федор Попов өнер көрсетті.
Біз халықаралық аренада IITU-ды тамаша танытқан студенттеріміз бен жаттықтырушыларымызды мақтан тұтамыз және лайықты жеңісімен құттықтаймыз!