15-20 қыркүйек аралығында Астанада ICPC World Finals 2024 спорттық бағдарламалау бойынша әлем чемпионатының 48-ші финалы өтті. Онда IITU командасының өкілдері тамаша нәтиже көрсетті!
Студенттік команданы жоғарғы дәрежеде дайындағаны үшін жаттықтырушы Ескендір Сұлтанов “Coaching Award” сыйлығына иеленді. Ал қосалқы тренер Қуанышбай Айбар ICPC Challenge жеңімпазы атанып, Huawei компаниясының бағалы сыйлықтарына ие болды.
IITU командасы әлемнің түкпір-түкпірінен келген 140 қатысушының ішінен 27-орынға иеленіп, Қазақстан өкілдері арасында бірінші болып, ТОП 30 үздік қатарына енгенін естеріңізге саламыз!
Ал IITU түлектері байқауға қатысты пікірлерін білдіріп, өз тәжірибелерімен бөлісті: Booking.com (Амстердам) компаниясының iOS әзірлеушісі Нәрікби Мақсұт және Google компаниясының бағдарламалық қамтамасыз ету жөніндегі инженері Аман Өтемұратов (Цюрих).
Біз жаттықтырушыларымыздың жетістігін мақтан тұтып, барлық жеңімпаздарды шын жүректен құттықтаймыз!