5 қыркүйек күні бас ғимараттың акт залында Тілдер кафедрасы Қазақстан халқының тілдері күніне арналған мерекелік іс-шара өткізді.

Бағдарлама барысында:

• «Әуенді тап» ұлттық ән-күйге арналған викторинасы өтті.
• «Сөйлемнен тілді тап» викторинасы ұйымдастырылды.
• Қазақстан халқының тілдері туралы деректі фильмнің үзіндісі көрсетілді.

Мерекелік шара ұлттық колоритке толы болды: көптеген қатысушылар дәстүрлі киімдер мен әшекейлер киіп келді. Студенттер викториналарға белсене қатысып, әуендер мен тілдерді қызығушылықпен тапты, сондай-ақ әр түрлі халықтардың бай тарихы мен дәстүрлері туралы көбірек мағлұмат алды. Бұл іс-шара тек танымдық қана емес, сонымен бірге біріктіруші сипатқа ие болып, қатысушыларға елдің тілдік және мәдени мұрасының құндылығын тағы да сезінуге мүмкіндік берді.