2025 жылғы 21 сәуірде «ХАТУ» АҚ-да «SDG Community of IITU» атты жаңа студенттік қауымдастықтың Тұрақты даму мақсаттарын интеграциялау орталығының директоры қатысқан алғашқы кездесуі өтті.
Кездесу барысында қауымдастықтың негізгі қызмет бағыттары талқыланды:
- Қауымдастықтың миссиясы және оның Тұрақты даму мақсаттарын (ТДМ) жүзеге асыруға қосатын үлесі;
- Университет ішінде және одан тыс жерлерде тұрақты даму бастамаларын ілгерілетудегі студенттердің рөлі;
- Алдағы іс-шаралар, жобалар және бірлескен бастамалар бойынша жоспарлар.
«SDG Community of IITU» қауымдастығының құрылуы – тұрақты даму қағидаттарына және жаһандық ынтымақтастыққа бейім, белсенді, саналы әрі әлеуметтік жауапты студенттік орта қалыптастыру жолындағы маңызды қадам болып табылады.