Алматы қаласында Қазақстан Жоғарғы Мектебінің Ұлттық Ғылым Академиясының (ҚЖМҰҒА) отырысы өтті. Қазіргі уақытта ұйымның құрамында 40-тан астам жетекші отандық жоғары оқу орындары және Қазақстан мен шет елдердің 130-дан астам белгілі ғалымдары кіреді.
Жиынға қатысушылар халықаралық стандарттарға сай мамандарды даярлау, ұлттық инженерлік білім беру моделін қалыптастыру, ақпараттық технологияларды дамыту, жастарды рухани-адамгершілікке баулу сияқты өзекті мәселелерді талқылады.
Іс-шара барысында ҚЖМҰҒА-ның академиктері мен корреспондент-мүшелерін сайлауы өтті. «ХАТУ» АҚ Басқарма төрағасы – ректоры Исахов Асылбек Абдиашимович және проректор Даурен Кумарханович Дюсебаев Қазақстан Жоғарғы Мектебінің Ұлттық Ғылым Академиясының корреспондент-мүшелері болып сайланды.
Кездесу барысында пікір алмасып, қазақстандық білім беру сапасын және бәсекеге қабілеттілігін арттыру, ЖОО әлемдік және ұлттық рейтингтерге енгізу, оқу үрдісіне ақпараттық технологияларды енгізу және отандық мамандарды сертификаттау жүйесін жетілдіру мәселелері бойынша ұсыныстар талқыланды.
