2025 жылғы 27-28 қаңтар аралығында «Халықаралық ақпараттық технологиялар университеті» АҚ (ХАТУ) білім беру бағдарламаларының бағдарламалық аккредитациясы рәсімі өтеді. Аталған аккредитация Білім берудегі сапаны қамтамасыз ету жөніндегі тәуелсіз агенттіктің (IQAA) бекітілген стандарттары мен критерийлеріне сәйкес жүзеге асырылады.
Аккредитацияның мақсаты — білім беру бағдарламасының жоғары сапа мен өзектілік деңгейіне, сондай-ақ білім берудің халықаралық және ұлттық стандарттарына сәйкестігін растау.
Сыртқы сараптау комиссиясының сапары аясында университет өкілдерімен, оқытушылармен, студенттермен, түлектермен және жұмыс берушілермен кездесулер, практикалық базаларға бару, визуалды тексерулер өткізіледі.
Университет білім беру үдерісін үздіксіз жетілдіруге және ақпараттық технологиялар саласындағы жетекші білім беру мекемелерінің бірі ретінде өз позициясын нығайтуға ұмтылады.