2025 жылғы 1 ақпанда Алматы қаласында қазіргі заманғы ғарыштық қызмет мәселелеріне арналған оқыту семинары өтеді. Іс-шара Халықаралық спутниктік байланыс ұйымы (МОКС) «Интерспутник» пен Қазақстан Республикасының Цифрлық даму, инновациялар және аэроғарыш өнеркәсібі министрлігі және «Халықаралық ақпараттық технологиялар университеті» АҚ бірлесе отырып, Халықаралық электр байланысы одағының (ХЭО) қолдауымен ұйымдастырылады.
Семинар ғарыштық технологиялар саласындағы өзекті мүмкіндіктерді, жаңашылдықты және перспективаларды талқылауға бағытталған. Іс-шара барысында қатысушылар ғарыш саласындағы соңғы үрдістермен танысып, жаһандық ғарыш кеңістігінің болашағын қалыптастыратын жаңа жобалар мен бастамалар туралы біле алады.
Семинардың негізгі тақырыптары:
- Ғарыштық технологиялар мен инновацияларды дамыту
- Халықаралық ғарыштық қызметтегі Қазақстанның рөлі
- Әуеғарыштық зерттеулер саласындағы елдер арасындағы ынтымақтастық перспективалары
- Ғарыштық технологиялардың экономиканың түрлі салаларына әсері
- Спутниктік технологияларды өмірдің әртүрлі салаларында қолдану
Семинар жетекші мамандарды, сарапшыларды, мемлекеттік органдардың өкілдерін, сондай-ақ ғарыш саласын дамытуға қызығушылық танытқан студенттер мен жас ғалымдарды біріктіреді. Қатысушылар тәжірибелерімен бөлісіп, одан әрі ынтымақтастық орнатуға мүмкіндік алады.
Іс-шара Қазақстанның әлемдік ғарыш қауымдастығына интеграциялану жолындағы маңызды қадамға айналады және елдің инновациялар мен жоғары технологиялар саласындағы ұстанымдарын нығайтуға ықпал етеді.
Күні: 2025 жылғы 1 ақпан
Өтетін орны: «ХАТУ» АҚ, Алматы қаласы, Қазақстан Республикасы.
Байланыс үшін: Ғылыми-зерттеу қызметі департаменті, 709-кабинет.