Басқарма Мәртебесі

Басқарма қоғамның ағымдағы қызметіне басшылықты жүзеге асыратын алқалы атқарушы органы болып табылады. Басқарма акционерлердің жалпы жиналысы мен Қоғамның Директорлар кеңесінің шешімдерін орындайды.

Басқарма Құзыреті

• Басқарма Қазақстан Республикасының заңнамалық актілерінде және қоғамның жарғысында қоғамның басқа органдары мен лауазымды адамдарының құзыретіне жатқызылмаған Қоғам қызметінің кез келген мәселелері бойынша шешімдер қабылдауға құқылы.
• Басқарма Қоғамның Директорлар кеңесінің мүшелеріне өзіне жүктелген функцияларды орындау кезінде Қоғамның қызметі туралы, оның ішінде құпия сипаттағы ақпаратты жазбаша сұрау салуды алған сәттен бастап он жұмыс күнінен кешіктірілмейтін мерзімде уақтылы ұсынуды қамтамасыз етеді.

Басқарма Төрағасы мен мүшелерінің құқықтары мен міндеттері

• Басқарма Төрағасы мен мүшелерінің функциялары, құқықтары мен міндеттері заңнамамен, Қоғамның Жарғысымен, сондай-ақ олардың әрқайсысы қоғаммен жасасатын еңбек шартымен айқындалады.
• Басқарма мүшелері Қазақстан Республикасы заңнамасының, Қоғам Жарғысының және қоғамның ішкі құжаттарының нормаларына, акционерлердің жалпы жиналысының, Қоғамның директорлар Кеңесінің шешімдеріне сәйкес қызметті жүзеге асыруға тиіс.
• Басқарма мүшелері құрылымдық бөлімшелерге жетекшілік етеді, сондай-ақ қоғам қызметінің жетекшілік ететін бағыттары шегінде мәселелерді шешеді.
• Басқарма мүшесі қоғам қызметінің жетекшілік ететін бағыттары шегінде құжаттарға қол қоюға құқылы.