Бағдарламаның сипаттамасы
«Жасанды интеллект» магистрлік бағдарламасы жасанды интеллект (ЖИ) саласында жоғары білікті мамандар мен зерттеушілерді даярлауға бағытталған. Бағдарлама түлектері озық алгоритмдерді әзірлеу, машиналық оқыту әдістерін қолдану және үлкен деректермен жұмыс істеу дағдыларын меңгереді.
Оқыту барысында студенттер теориялық білімді іс жүзінде қолданумен ұштастырып, ғылыми-зерттеу жұмыстарымен айналысады. ЖИ магистрлеріне арналған кең еңбек нарығы IT-компанияларды, ғылыми-зерттеу ұйымдарын, стартаптарды, робототехника және автоматтандыру саласындағы компанияларды, қаржы және медицина ұйымдарын, «ақылды қалалар», қауіпсіздік және басқа да салаларды қамтиды.
Білім беру бағдарламасының мақсаты мен міндеттері
Бағдарламаның мақсаты:
Машиналық оқыту, деректерді талдау және нейрондық желілер технологияларына негізделген интеллектуалды жүйелерді әзірлей алатын, енгізе алатын және зерттей алатын жоғары білікті мамандарды даярлау. Бағдарлама ғылымда, бизнесте және өнеркәсіпте өзекті мәселелерді шешуге бағытталған.
Негізгі міндеттері:
- Қазіргі заманғы терең оқыту архитектураларын (трансформерлер, графтық нейрондық желілер, генеративті модельдер) терең меңгеру.
- Есептеу ресурстары шектеулі жағдайларға арналған (edge AI, federative learning) машиналық оқыту алгоритмдерін оңтайландыру.
- Машиналық оқыту, статистика және эксперттік жүйелерді біріктіретін гибридті жүйелерді құру.
- Құрылымданбаған деректерді (мәтін, бейне, сурет, аудио) өңдеудің инновациялық әдістерін әзірлеу.
- Концептуалды дрейфке төзімді, өзін-өзі оқытатын жүйелерді құру.
- Үлкен деректермен жұмыс істеуге арналған таратылған есептеулер мен параллель алгоритмдерді жобалау.
- Авиация, медицина, қаржы сияқты стратегиялық салаларға арналған автономды шешімдер жасайтын интеллектуалды жүйелерді әзірлеу.
- Жасанды интеллекттің еңбек нарығына және әлеуметтік институттарға әсерін зерттеу.
- ЖИ жүйелерінде цифрлық қауіпсіздік пен дербес деректерді қорғау модельдерін жасау.
- Робототехника, қаржы нарықтары, автономды көлік жүйелері және т.б. салаларға арналған мультиагенттік басқару теориясын қолдану.
- Ғылыми жобаларға қатысу, ғылыми мақалалар жариялау, гранттық бағдарламалар мен халықаралық хакатондарға қатысу.
Бұл міндеттер саланың дамуына әсер ететін жаңа технологиялық шешімдерді әзірлей алатын жоғары деңгейлі ЖИ мамандарын дайындауды қамтамасыз етеді.
Оқу нәтижелері (ON)
ON1: IoT және ЖИ технологияларын талдау және қолдану, заманауи құралдарды пайдалана отырып IoT құрылғыларын әзірлеу және оларды ЖИ-ге негізделген интеллектуалды жүйелермен интеграциялау.
ON2: Машиналық оқыту, нейрондық желілер, іздеу алгоритмдері, NLP, компьютерлік көру және ЖИ-дің басқа да негізгі әдістерін меңгеру.
ON3: Машиналық оқыту, терең оқыту, нейрондық желілер алгоритмдерін әзірлеу, тестілеу және енгізу.
ON4: Үлкен көлемді деректерді тиімді өңдеу, оларды жинау, тазалау және талдауға сыни көзқараспен қарау.
ON5: Денсаулық сақтау, қаржы, робототехника, транспорт және басқа салалардағы тапсырмаларға ЖИ технологияларын бейімдеп қолдану.
ON6: Ғылыми зерттеулер жүргізу, жасанды интеллект саласында жаңа әдістер мен тәсілдерді әзірлеу, ғылыми мақалалар жариялау және ғылыми конференцияларға қатысу.
ON7: Қоғамдық мәселелерді шешуге бағытталған ЖИ технологияларын қолдану, жасанды интеллекттің қоғамға әсерін бағалау, этикалық аспектілерді талдау, әлеуметтік әл-ауқатқа бағытталған жобалар әзірлеу.
ON8: Бизнес, инженерия, медицина және басқа салалар мамандарымен бірлесіп жұмыс істей алатын көпсалалы командаларда тиімді жұмыс істеу.
Жаңа мамандықтар атласы
- Жалпы мақсаттағы жасанды интеллект әзірлеуші
- Жасанды нейрондық желілерді жобалаушы
- Мультитәжірибе мониторингі бойынша маман
- IT-этика жөніндегі кеңесші