Кеңес туралы

«Халықаралық ақпараттық технологиялар университеті» акционерлік қоғамының Жас ғалымдар кеңесі университеттің консультативтік-кеңестік органы болып табылады. Кеңестің қызметі университеттің жас ғалымдарының ғылыми белсенділігін қолдауға және дамытуға бағытталған. Бұған ғылыми іс-шараларды ұйымдастыру және өткізуге қатысу, ғылыми-инновациялық конкурстар мен жобаларды қолдау, сондай-ақ жас ғалымдардың ғылыми идеяларын жүзеге асыру үшін қаржы тартуға көмек көрсету кіреді.

Кеңестің негізгі мақсаты – жас ғалымдардың ғылыми және инновациялық әлеуетін дамыту және ашу, олардың ғылыми қызметін үйлестіру, елдің индустриялық және инновациялық дамуының міндеттерін шешуге тарту, кәсіби және әлеуметтік мүдделерін қорғау, сондай-ақ ғылыми нәтижелерді насихаттау және енгізуге жәрдемдесу.

Кеңестің міндеттері

- Жас ғалымдар мен мамандардың университеттің ғылыми, мәдени және қоғамдық өміріне белсенді қатысуын арттыру;

- Өнеркәсіп кәсіпорындары, отандық және халықаралық ғылыми ұйымдар, жоғары оқу орындарымен кәсіби және шығармашылық әріптестікті дамыту;

- Жас ғалымдардың кәсіби өсуін қолдау, олардың академиялық және кәсіби құзыреттерін дамыту, сондай-ақ фундаменталды және қолданбалы зерттеулерге қатысуын ынталандыру;

- Жас ғалымдардың мемлекеттік және халықаралық гранттық бағдарламаларға қатысуын қолдау, өтінімдерді дайындауға, серіктестерді іздеуге және конкурстарды ақпараттық қолдауға көмек көрсету;

- Жас ғалымдардың жобалары бойынша аралық және қорытынды есептерді қарауда университеттің Ғылыми-техникалық кеңесіне қолдау көрсету;

- Жас ғалымдардың ғылыми нәтижелерін насихаттау, жарияланым белсенділігін ынталандыру, конференцияларға қатысу, патенттеу және ғылымды медиа платформалар, университеттің ресми сайты және басқа да ресми арналар арқылы танымал ету;

- Ғылыми конференциялар, семинарлар және басқа да іс-шараларды ұйымдастыру және өткізу;

- Жас ғалымдар кеңесінің қызметі туралы ақпаратты медиа платформалар, университеттің ресми сайты және басқа да ресми арналар арқылы тарату;

- Жас ғалымдардың әлеуметтік және кәсіби мәселелерін анықтау және шешу жолдарын ұсыну, сондай-ақ қолайлы ғылыми ортаны құруға ықпал ету.

«Халықаралық ақпараттық технологиялар университеті» АҚ Жас ғалымдар кеңесі туралы ереже

Жас ғалымдар кеңесінің төрағасы – Сансызбай Қанибек Мұратбекұлы, PhD, қауымдастырылған профессор, профессор-зерттеуші

Хатшы – Саламат Нұрсезім Өмірбекқызы, Ғылыми кадрларды даярлау департаментінің менеджері

Email: nsalamat@iitu.edu.kz

Тел.: 8 (7272) 244-51-18 (ішкі 2119)