2025 жылғы 6 ақпанда «МУИТ» АҚ-да лудомания мен нашақорлыққа қарсы күрестегі құқықтық және ақпараттық шараларды талқылауға арналған маңызды іс-шара өтті. Кездесуге студенттер, сарапшылар және құқық қорғау ұйымдарының өкілдері жиналып, білім алмасу және кәсіби байланыстар орнату мақсатында пікірталас жүргізді.

Шақырылған спикерлер қатарында:

• Джирембаева Ульбара Акматовна – «Адам және Құқық» заңгерлер мен медиаторлар одағы» республикалық қоғамдық бірлестігінің президенті.
• Калимолдин Марат Маутенович – «Парасатты ұрпақ үшін» қоғамдық қорының президенті.
• Абдалиев Нурулла Зейнуллаевич – ҚР ІІМ-нің есірткі айналымына қарсы күрес жөніндегі сарапшысы.
• Назаров Федор Сергеевич – химиялық және химиялық емес тәуелділіктер бойынша маман.

Іс-шараның мақсаты – студенттер мен мамандар арасындағы диалогты дамыту, заңнама мен тәуелділіктің алдын алу мәселелерін талқылау, сондай-ақ жаңа кәсіби байланыстарды қалыптастыру болды. Кездесу барысында қатысушылар сарапшыларға сұрақ қойып, құқық қорғау саласындағы жаңалықтармен танысып, пікір алмасты.