ҒЫЛЫМИ-ТЕХНИКАЛЫҚ КЕҢЕС ТУРАЛЫ

«Халықаралық ақпараттық технологиялар университеті» АҚ-ның Ғылыми-техникалық кеңесі — Университеттің ғылыми-зерттеу, инновациялық және жобалық қызметін үйлестіретін тұрақты жұмыс істейтін консультативтік-кеңесші орган.

Кеңес құрамына жетекші ғалымдар, ғылыми орталықтардың басшылары және кафедра өкілдері кіреді. ҒТК жыл сайын ғылыми-зерттеу қызметінің қорытындыларын шығарып, инновацияларды дамытудың басым бағыттарын анықтайды.

ҒТК отырыстарының күн тәртібі ғылыми жоба жетекшілерінің, зертханалар мен бейінді департаменттердің ұсыныстары негізінде кеңес хатшысы тарапынан қалыптастырылады. Қарастырылатын барлық мәселелер, соның ішінде гранттық қаржыландыруға өтінімдерді сараптау және ҒЗЖ нәтижелерін бағалау, ашық талқылау және ұжымдық шешім қабылдау рәсімі арқылы жүзеге асырылады.

ҒЫЛЫМИ-ТЕХНИКАЛЫҚ
КЕҢЕС ҚЫЗМЕТІ

1

Ғылыми жобаларды сараптау және іріктеу: Гранттық қаржыландыруға және бағдарламалық-мақсатты қолдауға үміткер ғылыми-зерттеу жұмыстарын (ҒЗЖ) ішкі аудиттен өткізу және бағалау.

2

Зияткерлік меншікті басқару: Авторлық құқықтарды тіркеу, өнертабыстарға патент алу және университет ғалымдарының зияткерлік қызмет нәтижелерін қорғау үдерістерін үйлестіру.

3

Инновациялық экожүйені дамыту: Ғылыми әзірлемелерді коммерцияландыруға жәрдемдесу, стартап-акселераторлар, зертханалар және ғылымды қажет ететін IT-жобалардың қызметін қолдау.

4

Жарияланым белсенділігін мониторингтеу: Қызметкерлердің ғылыми өнімділігін талдау және ынталандыру, соның ішінде жоғары рейтингті халықаралық деректер базаларындағы жарияланымдарды бақылау.